Mtsogoleri wadziko la SENEGAL, a MARCY SALI wati akufuna kuti achepetse telemu yake yokhalira paudindowu ndi zaka ziwiri.
Malinga ndi malipoti awailesi ya BBC, a muofesi ya president m`dzikolo ati president SALI wachita izi ndicholinga cholimbikitsa ufulu wa demokalase. Izi zichititsa kuti chisankho cha president m`dzikolo chidzachitike m`chaka cha 2017 , m`malo mwa m`chaka cha 2019. Zomwe wachita presidentiyu akuti zapeleka chitsanzo chabwino cha atsogoleri odziwa za ubwino wolemekeza malamulo ndi kulimbikitsa ufulu wa democrase. A SALI omwe ndi azaka 52 anasakhidwa kukhala paudindowu m`chaka cha 2012 atangonjetsa president yemwe amalamulira dzikolo a ABDOULAYE WADE.