Akhrisitu a Mpingo wa Katolika komanso Angilikani pa dziko lonse lapansi ayamba nyengo yokumbukira masautso a Yesu Khrisitu.
Nyengoyi imayamba ndi mwambo wa nsembe ya misa ya phulusa, pomwe akhrisitu amalembedwa chizindikiro cha mtanda pa mphumi pofuna kulimbikitsidwa kulapa machimo awo kuti ayanjanenso ndi Mulungu.
Nyengoyi yomwe imakhalapo chaka ndi chaka, imachitika kwa masiku makumi anayi pomwe akhrisitu amapemphedwa kulapa machimo awo, kudzilanga komanso kusala zinthu zosiyanasiyana zomwe iwo amakonda m’moyo wawo watsiku ndi tsiku.
Nyengoyi imatha lachisanu loyera pomwe akhrisitu amatsendera chikumbutso cha masautso a Yesu khrisitu pa njira ya mtanda yomwe amachita pa m’dipiti kunja kwa matchalitchi awo.
Pamene nyengoyi yayamba akhristu amapemphedwanso kusonkhana m’matchalitchi awo pamwambo wa njira yamtanda lachisanu lililonse, kufikira lachisanu loyera-lo lomwe chaka chino likhale pa 29 March.